「紅色炸彈」- 友校活動 官方邀請卡

已經出來做野嘅朋友都應該好清楚，世界上最恐怖嘅嘢（除咗俾疏堂親戚問呢問路之外）就係 — 紅 色 炸 彈 ！！而對校長老師來説，其他學校嘅活動邀請函/卡其實亦具同樣威力；有時去又唔係（可能影響自己工作），唔去又唔係（好似好唔俾面咁）。

點都好啦，對於我地館長來說，呢啲陳年嘅邀請咭最重要唔在於校方最後有冇派人出席，而係佢哋嘅設計真係好精美！仲有好多係主權移交前嘅舊校徽，唔知會唔會勾起大家嘅童年回憶呢？ 包括 King's College 英皇書院，伊利沙伯中學校 Queen Elizabeth School 等等！

所有圖片、藏品為本館館藏