「錯就要認，打就要企定」：皇仁、體罰和訓導

今次同大家講下有關皇仁和訓導的歷史。皇仁書院領袖生制度由1911年成立至今已有超過105年歷史，協助老師管理學生秩序。現在學生犯錯不外乎被收學生證、記過等方法懲罰。可能頑皮過嘅同學非常討厭訓導老師和領袖生，但你們有冇諗過百多年前嘅QC仔犯錯，有咩後果呢？

無錯，就係要打！以前世人普遍認為體罰能夠有效阻止學生在將來繼續犯錯。從歷史資料中顯示，在1892-93短短一年半載，皇仁書院（當時稱域多利書院）便有接近50宗體罰事件，分別打6至12下手板或屁股不等。學生犯的錯不外乎上課傾計、不服從老師、講粗口、打架等。比較特別的有「玩捉鬼」，罰打9至12下手板或屁股；而「考試出貓」者則被「重」打12下手掌。而當年最嚴重的是為3名葡籍學生用刀刺傷一華籍師弟。雖然學校體罰的記錄和普及程度並不是每年也記錄得咁詳細，但根據師兄憶述，直至1950年代威廉臣校長時期，體罰情況仍然相當普遍。

參考資料：英國國家檔案館藏品，本館藏品