【開學，假期與皇仁】究竟點解係九月一號開學呢？

Facebook專頁「史檔」最近就發文解釋呢個「定律」。／／响古代中國，並無一個系統性學制，所以古代私塾無統一嘅開學時間。到咗清末時期，部分官員覺得中國應模仿外國嘅學制，於是就响1904年制定咗《癸卯學制》，規定秋季開學。到咗1912年，民國政府成立，之後就頒佈咗新學制嘅法規《壬子癸丑學制》，確定為公曆九月上旬作為開學。／／

講開又講，皇仁書院嘅開學日期由1862年有紀錄已來一向定喺1月，直至1934年先至改至9月開課。雖然係咁，學校仍然會喺夏天放暑假， 冬天放寒假；只係開課時間同而家唔同。直至1920年代，皇仁學生星期一至六都要上課（星期六放半晝），正式假期並無而家咁多；但係學校就有權決定臨時放假。例如係香港總督或者教育司喺每年嘅「視學日」視察完畢後，通常都會要求校長行使職權比學生放半晝假。

Facebook專頁「史檔」:【講開有段故】點解開學日係九月一日？ 今日係九月一日，同學們今日都要收拾心情返學開課。咁話時話？大家有無諗過點解開學日會係九月一日呢？响古代中國，並無一個系統性學制，所以古代私塾無統一嘅開學時間。到咗清末時期，部分官員覺得中國應模仿外國嘅學制，於是就响1904年制定咗《癸卯學制》，規定秋季開學。到咗1912年，民國政府成立，之後就頒佈咗新學制嘅法規《壬子癸丑學制》，確定為公歷九月上旬作為開學，後嚟就設定咗為九月一日喇！記得有文章講過，話當時清政府係模仿日本响明治維新制定嘅學制，所以係九月初開學。不過，响明治時代制定嘅學制係由四月開學。 原圖來源：《青出於藍》劇照