皇仁與音樂

皇仁嘅前身「大書院」（今譯中央書院）早喺1870年代已經有音樂堂。當時嘅掌院（即校長）Stewart想向學生教授更多西方知識，於是便引入一係列當時喺英國流行嘅科目，如化學，物理等，而音樂亦係其中之一。當時學科發展未成熟，僅由先生用音叉（Tuning Fork）帶領學生練習簡單旋律。因缺乏師資，1880－1910年代音樂科在皇仁消失。值得一提嘅同針織，手工等，係唱歌班一直係當時女子學校（如庇利羅士女子學校）嘅必修科目之一。直至1920年代，隨著音樂逐漸普及，皇仁才引入女先生教音樂並購入一部鋼琴。祈惠霖先生 (Mr William Kay) 亦在1920年以英國哈羅公學校歌為旋律，創寫了皇仁書院校歌歌詞－從此，每次舊生會晚宴都會有師生唱校歌。同時，學生音樂活動亦有所發展，皇仁中樂學會，YMCA，戲劇社等活動都包含音樂。

戰後皇仁剛剛復課，但同學們已經和友校庇利羅士女子中學組織起合唱團，為在1950年11月假銅鑼灣掃垾埔舉行的教育週表演。早期的合唱團亦會在不同學校活動中獻唱，如週年頒獎禮和開放日等。1950年皇仁搬到高士威道校舍，雖然口琴隊當時經常在校際音樂節奪魁，但起初仍然未有專屬嘅音樂室。1950年代末，因音樂科逐漸普及並成為學生必修科之一，校方才將二樓的更衣室改成音樂室（見下圖）。1970年代，黃勵文校長積極推行音樂發展，更親自執教弦樂團。1980年代由許太執教音樂，相信不少舊生也印象深刻。1990－2000年代則由劉繼智博士接棒，並把合唱團及牧童笛隊活動帶上巔峰。時移世易，因舊音樂室漸漸不敷所用，7年多前學校修建學生㑹大樓並把音樂室搬到其頂層，並喺今年在原址興建皇仁校史館永久館址。自2011年開始，皇仁書院音樂學會每年也舉辦週年音樂晚會，而校慶年份更會承接由劉博士創立的傳統，舉辦校慶才藝表演。